tujh qad ki ada sarv-e-gulistan siin kahunga
jadu-e-nayan nargis-e-bustan siin kahunga
dekha huun tire lab pe main missi ki dhadi kuun
zulmat pe ja chashma-e-haivan siin kahunga
mujh dil ki lagan tujh siin hai ai khubi-e-mahfil
parvana naman sham-e-shabistan siin kahunga
paida kiya tujh shauq men dil vusat-e-mashrab
yuun halat-e-dil koh-o-bayaban siin kahunga
dekha huun tujhe khvab munin ai pari-paikar
is khvab ke taiin ja ke sulaiman siin kahunga
khanjar siin nayan ke dil-e-‘yakru’ hua zakhmi
ab dil ki tapish khak-e-shahidan siin kahunga
Leave a Reply