Bakul Dev
baat bigḌi hui bani si rahi
jaan nahin nikli jankani si rahi
baat khinchti chali ga.i dil se
umr bhar phir tana tani si rahi
husn-e-shab sub.h-dam Dhala lekin
peshtar us ke chandni si rahi
bahs ham ko na thi manazir se
yuun tha bina.i se Thani si rahi
us ka radd-e-amal tha ḳhanjar sa
ishq kahne ko tha ani si rahi
samt duniya ke ham ga.e hi nahin
us ilaqe se dushmani si rahi
kar ke ik qafila ghubar ghubar
raah kuchh der an-mani si rahi
Leave a Reply