Roz-E-Raushan Ko Shab-E-Tar Na Kahna Aaya

roz-e-raushan ko shab-e-tār na kahnā aayā

raat ko matla-e-anvār na kahnā aayā

kī hai duniyā ne isī par to adāvat ham se

saaf jumla pas-e-dīvār na kahnā aayā

apne is jurm pe iz.hār-e-nadāmat kaisā

dasht-e-pur-ḳhār ko gulzār na kahnā aayā

bāl-o-par kaaT diye ahl-e-gulistāñ ne mire

chob ko shāḳh-e-samar-dār na kahnā aayā

qasr-e-taḳhrīb kī ta.amīr hai jin ke hāthoñ

haañ unheñ vaqt ke me.amār na kahnā aayā

Leave a Comment