roz-e-raushan ko shab-e-tar na kahna aaya
raat ko matla-e-anvar na kahna aaya
ki hai duniya ne isi par to adavat ham se
saaf jumla pas-e-divar na kahna aaya
apne is jurm pe iz.har-e-nadamat kaisa
dasht-e-pur-ḳhar ko gulzar na kahna aaya
bal-o-par kaaT diye ahl-e-gulistan ne mire
chob ko shaḳh-e-samar-dar na kahna aaya
qasr-e-taḳhrib ki ta.amir hai jin ke hathon
haan unhen vaqt ke me.amar na kahna aaya
Leave a Reply