Poet
rone valon ne tire gham ko saraha hi nahin
raat ḳhush rah ke bhi kaT sakti hai socha hi nahin
na kahin abr ka ghunghaT na hava ki pazeb
din ka.i din se tire rang men dekha hi nahin
tu bhi in ujḌe dayaron men hai meri manind
aisa lagta hai ki tu ne mujhe dekha hi nahin
tujh se shikva bhi agar ho to koi baat bhi ho
aa.ina chhoḌ ke mujh ko koi samjha hi nahin
ik ye patthar hai ki Thokar se bahut duur gaya
ek ye dil hai ki siine se nikalta hi nahin
yuun to is raah men lahke ka.i anchal lekin
dil pe vo rang chaḌha hai ki utarta hi nahin
baiTh rahiye bhi to kya rah-guzar-e-shab men
ab ye rasta tiri ankhon se guzarta hi nahin
Leave a Reply