Poet
rone ka saliqa mujhe aslaf ne baḳhsha
ye matami ankhen mujhe virse men mili hain
ye karb ki duniya ka hai naqsha ise dekho
sab purkhen hamari isi shajre men mili hain
main ghuur ke dekhun to bura manta hai vo
kaise kahun ye talḳhiyan tarke men mili hain
ḳhvabon ne bhi marne ki hi Thani hai bil-aḳhir
do chaar ki lashen mire kamre men mili hain
TuuTe hue raston pe tira haath pakaḌ luun
ye ḳhvahishen bas ishq ke badle men mili hain
jo laḌkiyan jiiti thiin mohabbat ke sahare
do gaz ki hi qabren unhen tohfe men mili hain
Leave a Reply