riyasat jab bhi Dahti hai navase dukh uThate hain
kahin puncture banate hain kahin Tanga chalate hain
baḌi mushkil se ye do vaqt ki roTi kamate hain
sahar se shaam tak fōtpath par qismat banate hain
jamura sar khujata hai madari haath malta hai
tamasha dekh kar bad-ma.ash bachche bhaag jaate hain
kisi ke saath rahna aur us se bach ke rah lena
ḳhuda hi jaane kaise log ye rishta nibhate hain
hazaron log milte hain to un men ik samajhta hai
baḌi mushkil se ham bhi dosti men sar jhukate hain
Leave a Reply