riit par jitne bhi navishte hain
apne mahaul ke mujalle hain
kaun jaane kahan dafine hain
apne to paas sirf naqshe hain
suraten chhin le gaya koi
is baras a.ine akele hain
ḳhvab, ḳhushbu, ḳhayal, aur ḳhadshe
ek divar sau dariche hain
dosti ishq aur vafadari
saḳht jaan men bhi narm goshe hain
paḌh sako to kabhi paḌho un ko
shaḳh-dar-shaḳh bhi sahife hain
jugnuon ke paron se likkhe hue
jangalon men ka.i jaride hain
Leave a Reply