ravish us chaal men talvar ki hai
maut ushshaq-e-gunahgar ki hai
gul o gulshan se kabhi ji na lagae
ye sada murgh-e-giraftar ki hai
rashk-e-gulshan ho ilahi ye qafas
ye sada murgh-e-giraftar ki hai
nik.hat-e-gul na saba bhi laai
ye sada murgh-e-giraftar ki hai
aa ke be-parda milen vo dam-e-naza
ye dua ashiq-e-bimar ki hai
pesh-e-mehrab na kyuun sajde hon
surat us abru-e-khamdar ki hai
chaal vo chal ki na ho mahshar-khez
ye ravish charkh-e-jafakar ki hai
mujh ko hangama-e-mahshar se gharaz
bas tamanna tire didar ki hai
talab-e-rah-e-khuda men lekin
pairvi haidar-e-karrar ki hai
Leave a Reply