Raushni Ko Tirgi Ka Qahr Ban Kar Le Gaya

Ejaz Asif

raushni ko tirgi ka qahr ban kar le gaya

aankh men mahfuz the jitne bhi manzar le gaya

ajnabi sa lag raha huun aaj apne aap ko

aa.ine ke samne main kis ka paikar le gaya

kyuun nazar aati nahin ab kaaTi sat.h-e-ab par

khinch kar naddi ke sar se kaun chadar le gaya

phir hui amada-e-paikar peḌon se hava

phir koi jhonka ka.i patte uḌa kar le gaya

rokte hi rah ga.e divar-o-dar ‘asif’ mujhe

main magar chup-chap ḳhud ko ghar se bahar le gaya