Nishant Shrivastava Nayab
raushni ka saath mahnga paḌ gaya hai
jaane kis vahshat men saaya paḌ gaya hai
aap ki jadugari ke vaste hi
ḳhud ko hairat men dikhana paḌ gaya hai
phir mujhe darpesh hain ḳhushiyan tumhari
phir se gham apna chhupana paḌ gaya hai
ham kahan un ko biTha.en soch men hain
ghar hamara kitna chhoTa paḌ gaya hai
dasht ki azmat bhi ab ḳhatre men aa.i
mere pichhe ghar ka rasta paḌ gaya hai
khinch laata hai mujhe dar tak tumhare
mere pichhe koi bachcha paḌ gaya hai
main laga huun DhunDhne men ruuh ko aur
jism bechara akela paḌ gaya hai
Leave a Reply