Raunaq-e-Baam-O-Dar Nahin Baqi

raunaq-e-bam-o-dar nahin baaqi

kaise kah duun ki ghar nahin baaqi

us ko dekha hai us ki nazron se

jaise apni nazar nahin baaqi

rahnumaon ne is qadar luuta

ab luteron ka Dar nahin baaqi

har musafir se raston ne kaha

zulmaton men sahar nahin baaqi

dil to mahrum-e-sidq lagta hai

aur dua men asar nahin baaqi

main ne akhbar padh liya ‘ashiq’

koi taaza khabar nahin baaqi

Leave a Comment