rasta dekh raha huun isi imkan ke saath
jaise vo bhuul gaya ho mujhe saman ke saath
jis men tum siḌhiyan gin gin ke chale aate the
vahi kamra hai mira aaj bhi dalan ke saath
didani hota hai manzar vo junun-ḳhezi ka
jab main daman ko milata huun gareban ke saath
sabza-o-gul na.i tahzib se ug jaate hain
ik numu-parvari vabasta hai tufan ke saath
der tak us se mila.e nahin rakkho ankhen
varna duniya bhi chali ja.egi iman ke saath
saans lena bhi tiri yaad se mashrut hua
tu ne kya rog lagaya hai miri jaan ke saath
Leave a Reply