Raghunandan Sharma Danish
ḳhud ko bhi sach sach bata paaya na main
a.ine se kyon nibha paaya na main
itni ujlat thi batane ki mujhe
jo batana tha bata paaya na main
is liye rishton men dushvari hui
chehre par chehra laga paaya na main
umr bhar jis ko na hasil kar saka
umr bhar us ko ganva paaya na main
us ke jaane ka tha itna gham mujhe
ek bhi aansu baha paaya na main
Leave a Reply