KHud Ko Bhi Sach Sach Bata Paya Na Main

ḳhud ko bhī sach sach batā paayā na maiñ

ā.īne se kyoñ nibhā paayā na maiñ

itnī ujlat thī batāne kī mujhe

jo batānā thā batā paayā na maiñ

is liye rishtoñ meñ dushvārī huī

chehre par chehra lagā paayā na maiñ

umr bhar jis ko na hāsil kar sakā

umr bhar us ko gañvā paayā na maiñ

us ke jaane kā thā itnā ġham mujhe

ek bhī aañsū bahā paayā na maiñ

Leave a Comment