rasm-e-sajda bhi uTha di ham ne
azmat-e-ishq baḌha di ham ne
jab koi taaza shagufa phuTa
ki gulistan men munadi ham ne
jab chaman men na kahin chain mila
bab-e-zindan pe sada di ham ne
aanch sayyad ke ghar tak pahunchi
itni sho.alon ko hava di ham ne
ḳhun-e-dil se dar-e-mai-ḳhana par
teri tasvir bana di ham ne
dil ko aane laga basne ka ḳhayal
aag jab ghar ko laga di ham ne
Leave a Reply