Mirza Athar Zia
raas aati hai bahut ab-o-hava sahra ki
jaane de di hai tujhe kis ne dua sahra ki
tujh ko milne se raha shahr men vahshat ka ilaaj
tujh ko shayad ki shifa baḳhshe hava sahra ki
ham to lete hain maza ghar men hi virani ka
naz-bardari kare kaun bhala sahra ki
ik samundar hai miri zaat ke paimane men
Daal rakkhi hai magar us pe rida sahra ki
tera ham-zad tujhe shahr men milne se raha
bandh le raḳht-e-safar ḳhaak uḌa sahra ki
Leave a Reply