Raqs-E-Ashufta-Sari Ki Koi Tadbir Sahi

raqs-e-āshuftā-sarī kī koī tadbīr sahī

lo mire paañv meñ ik aur bhī zanjīr sahī

imtihāñ is dil-e-pur-shauq kā karte rahiye

aur is jurm-e-vafā par koī tāzīr sahī

tān-o-dushnām se dīvāne na baaz ā.eñge

koī ilzām sahī tohmat-e-taqsīr sahī

ham to āvāra-e-sahrā haiñ hameñ kyā matlab

un kī mahfil meñ junūñ kī koī tauqīr sahī

har koī yūsuf-e-kan.āñ to nahīñ ban saktā

merā fardā hī mire ḳhvāb kī tābīr sahī

qāfile kitne hī manzil se bhaTak jaate haiñ

ham musāfir na sahī ham koī rah-gīr sahī

nāra-e-zulf-e-sanam shart-e-junūñ kyā ma.anī

dard rusvā hī sahī ishq jahāñgīr sahī

Leave a Comment