Kya dekhta Hai Haal Ke Manzar Idhar Bhi dekh

kya dekhta hai haal ke manzar idhar bhi dekh

maazi ke naqsh yaad ki divar par bhi dekh

dekhe hain mere aib to mera hunar bhi dekh

sauda hai jis men apna ana ka vo sar bhi dekh

le kaam mujh se sakht udanon ka tu magar

pahle miri nigah mire bal-o-par bhi dekh

chehre ke rang-o-nur ko mera hunar samajh

mujh ko miri nazar se kabhi jhank kar bhi dekh

ik baar aur bach ke zamane ki aankh se

huun dekhne ki chiiz to bar-e-digar bhi dekh