Farooq Nazki
rang ḳhake men naya bhar dunga main
dushmanon se dosti kar lunga main
phir nahin aane ka ḳhvabon men tire
shahr se tere agar ja.unga main
men bahut ziddi huun lekin jan-e-man
tu bula.e to zarur a.unga main
hai tazadon ka chaman mera vajud
fasl-e-gul ka marsiya ga.unga main
kanch ke alfaz kaghaz par na rakh
sang-e-ma.ani ban ke Takra.unga main
raste ke vaste ik jaam do
niim shab hai ab to ghar ja.unga main
Leave a Reply