Kumar Vishwas
rang duniya ne dikhaya hai nirala dekhun
hai andhere men ujala to ujala dekhun
aa.ina rakh de mire samne aḳhir main bhi
kaisa lagta hai tira chahne vaala dekhun
kal talak vo jo mire sar ki qasam khata tha
aaj sar us ne mira kaise uchhala dekhun
mujh se maazi mira kal raat simaT kar bola
kis tarah main ne yahan ḳhud ko sambhala dekhun
jis ke angan se khule the mire saare raste
us haveli pe bhala kaise main taala dekhun
Leave a Reply