Dil Ayubi
ramz-ashna-e-fasl-e-baharan koi na tha
sab mudda.i the chak-gareban koi na tha
divane dasht men bhi nasib aazma chuke
vaan bhi sukun-e-qalb ka saman koi na tha
kya kya tire mariz ko the naaz dard par
jab bas men charagar ke bhi darman koi na tha
shayad ye ka.enat thi mai-ḳhana in dinon
jab imtiyaz-e-gabr-o-musalman koi na tha
ghabra ke kis ko raah men ai ‘dil’ pukarte
apne siva qarib-e-rag-e-jan koi na tha
Leave a Reply