Abdurrahman Momin
is ki ankhon pe vaar den ankhen
ik nazar hi men haar den ankhen
dil mujhe us ne be-qarar diya
aur be-ikhtiyar diin ankhen
pahle chehra chhupa liya us ne
baad men ishtihar diin ankhen
dil vahin rah gaya jahan ham ne
sarsari si guzar diin ankhen
khvab mere chura liye us ne
jis ko main ne udhar diin ankhen
main ne ankhon men jhankna chaha
us ne dil men utaar diin ankhen
main to khamosh hi raha lekin
vaqt-e-rukhsat pukar diin ankhen
tu bhi ‘momin’ kamal karta hai
tu ne suraj se chaar diin ankhen
Leave a Reply