Vijay Sharma
rahi hai yuun hi nadamat mujhe muqaddar se
guzar rahi hai saba jis tarah mire ghar se
chaḌha hai shauq mujhe zabt azmane ka
likhun fasana koi aa.ine pe patthar se
musafiron sa kabhi jab main shahr se guzra
to raston men ka.i raste the banjar se
tumhare gham ne Duboya hai par pukaro to
main lauT aa.uun usi pal kisi samundar se
maze ki ThanD gharibon ki astin men hai
tum aa ke dekh lo fōt-path par bhi bistar se
Leave a Reply