Rahi Hai Yun Hi Nadamat Mujhe Muqaddar Se

rahī hai yuuñ hī nadāmat mujhe muqaddar se

guzar rahī hai sabā jis tarah mire ghar se

chaḌhā hai shauq mujhe zabt āzmāne kā

likhūñ fasāna koī aa.ine pe patthar se

musāfiroñ sā kabhī jab maiñ shahr se guzrā

to rāstoñ meñ ka.ī rāste the banjar se

tumhāre ġham ne Duboyā hai par pukāro to

maiñ lauT aa.uuñ usī pal kisī samundar se

maze kī ThanD ġharīboñ kī āstīn meñ hai

tum aa ke dekh lo fōt-pāth par bhī bistar se

Leave a Comment