Rahe Hai Ru-Kash-E-Nishtar Har Aabla Dil Ka

rahe hai ru-kash-e-nishtar har aabla dil ka

ye hausla hai koi balbe-hausla dil ka

abas nahin hai ye vabasta-e-pareshani

kisi ki zulf ko pahunche hai silsila dil ka

hujum-e-ghamza-o-khail-e-karishma lashkar-e-naz

ajab sipah se thahra muqabla dil ka

kahun main kya ki hua kaise be-jagah maail

hai apne bakht ka shikva nahin gila dil ka

shab-e-firaq ne chhoda na sabr-o-tab-e-shakeb

lagi ye aag ki asbab sab jala dil ka

Leave a Comment