raah se mujh ko haTa kar le gaya
jaan ka ḳhatra bata kar le gaya
kaT mira ik shaḳhs apni aan par
aur apna sar uTha kar le gaya
ek din dariya makanon men ghusa
aur divaren uTha kar le gaya
haath suraj ke na jab aa.i nadi
aag paani men laga kar le gaya
uḌti chingari ko jugnu jaan kar
tifl daman men chhupa kar le gaya
muddaton kanTe bichha.e raah men
ek din ankhen bichha kar le gaya
Leave a Reply