poet

Rah Kar Makan Mein Mere Mehman Jaiye

rah kar makan men mire mehman jaiye

mera bhi ek baar kaha maan jaiye

kahta har ek hai tiri tasvir dekh kar

is shakl is shabih ke qurban jaiye

mujh ko pila ke bazm men kahne lage vo aaj

bas jaiye yahan se miri jaan jaiye

sumbul ne aaj nargis-e-hairan se ye kaha

jab jaiye chaman men pareshan jaiye

main ne kaha ye un se jab aae vo vaqt-e-naza

hai akhiri saval mira maan jaiye

naqsh-e-qadam tira hai har ik ghairat-e-chaman

ai yaar teri chaal ke qurban jaiye

ai yaar dekh zulf-e-moambar na khol tu

aage hi dil hai apna pareshan jaiye

jis se kabhi tha tum ko shab-o-roz ikhtilat

ye hai vahi to ‘mashriqi’ pahchan jaiye

More Poems

Leave a Comment