rah-e-talab men na kar is tarah ḳharab mujhe
Thaharne de kahin ai chashm-e-intiḳhab mujhe
bula raha hai kahin ishq su-e-dar-o-rasan
pukarta hai kahin husn-e-be-naqab mujhe
main ek zarra-e-nachiz hi sahi lekin
nigah vaale samajhte hain aftab mujhe
bas ek jurm-e-mohabbat pe us sitamgar ne
diye hain sham-o-sahar saikḌon azaab mujhe
luTi luTi si shab-e-gham hai chandni ‘nayyar’
bujha bujha nazar aata hai mahtab mujhe
Leave a Reply