raghbat hai jin ko vasl ki tere vajud se
tahlil ho rahe hain fazaon men duud se
markaz bana huun dida-e-arabab-e-ghaib ka
laaya gaya hai mujh ko jahan-e-shuhud se
kafir bata ke qatl unhen kar diya gaya
mar.ub ho sake jo na dagh-e-sujud se
kamre men aa ke baiTha huun apne bujha bujha
jal jal ke teri mahfil-e-raqs-o-surud se
ik ek naqsh ubhar duun tere jamal ka
aage nikal ke fikr ki saari quyud se
vahshat men noch kha.un na ‘zishan’ ḳhud ko main
chal duur mujh ko le ke tu meri hudud se
Leave a Reply