Rafta Rafta chiKHna Aaram Ho Jaane Ke Baad

rafta rafta chīḳhnā ārām ho jaane ke baad

Duub jaanā phir nikalnā shaam ho jaane ke baad

der tak ḳhāmoshiyoñ se guftugū karnā kabhī

der tak sunñā unheñ har kaam ho jaane ke baad

bastiyoñ se duur jaanā ḳhvāhishoñ ko paar kar

jañgaloñ meñ nāchnā gumnām ho jaane ke baad

āsmāñ vāloñ se apnī ranjishoñ ko bhūlnā

ruuh ke bāzār meñ nīlām ho jaane ke baad

rabt ke pahlū samajhnā aur ronā saarī raat

bas yahī kuchh kaam haiñ nākām ho jaane ke baad

Leave a Comment