Poet
rabta TuuT na jaa.e kahin ḳhud-bini se
dil laraz uTTha hai mahaul ki sangini se
hausla hai to sarabon men utar kar dekho
zinda rahna to ibarat hai ḳhush-a.ini se
ab sar-e-aḳhir-e-shab laa.e ho suraj ki ḳhabar
yuun tamasha na karo sub.h ki rangini se
na burudat thi na hiddat thi ajab mausam tha
choT khaya kiye ham apni hi kaj-bini se
aankh pathra.i hui aur zaban gung ki jab
zarf miTTi ke bane aur badan chini se
dard talḳhaba-e-ehsas men zam ho ke raha
qatl-gah paT ga.i alfaz ki shirini se
samne aa ke jo vo haath mila.e to sahi
mujh ko haul aata hai us shaḳhs ki miskini se
Leave a Reply