Rabta Mujhse Mera joD Diya Karta Tha

rābta mujh se mirā joḌ diyā kartā thā

vo jo ik shaḳhs mujhe chhoḌ diyā kartā thā

mujhe dariyā, kabhī sahrā ke havāle kar ke

vo kahānī ko nayā moḌ diyā kartā thā

is se aage to mohabbat se gila hai mujh ko

tū to bas haat mirā chhoḌ diyā kartā thā

baat peḌoñ kī nahīñ, ġham hai parindoñ kā ‘nadīm’

ghoñsle jin ke koī toḌ diyā kartā thā

Leave a Comment