bashar-nawaz

Rabt Har Bazm Se Tute Teri Mahfil Ke Siwa

rabt har bazm se tuute tiri mahfil ke siva

ranjishen sab ki gavara hain tire dil ke siva

aise pahlu men sama jaao ki jaise dil ho

chain milta hai kahan mauj ko sahil ke siva

chikh takra ke pahadon se palat aati hai

kaun sahta hai bhala vaar muqabil ke siva

khushk patton se chhuda leti hain shakhen daman

kis ne yadon se nibhai hai yahan dil ke siva

ek bichhde hue saae ke taaqub men ‘bashar’

sabhi rahon pe gae ham rah-e-manzil ke siva

More Poems

Leave a Comment