Haneef Akhgar
raz-e-dil faash kiya karte ho kya karte ho
naam se mere haya karte ho kya karte ho
roz iqrar-e-vafa karte ho kya karte ho
zaḳhm-e-dil phir se hara karte ho kya karte ho
tum se mansub hai ik ahd-e-vafa ka iqrar
tum bhi tauhin-e-vafa karte ho kya karte ho
shisha-e-dil ke baratne ka saliqa sikho
tum to bas toḌ diya karte ho kya ho
shauq ko pahle zara had se siva hone do
dard ko had se siva karte ho kya karte ho
ishva-e-jan-talabi morid-e-ilzam na ho
mujh se kahte raho kya karte ho kya karte ho
har ghaḌi us lab-e-shirin ka tasavvur ‘aḳhgar’
talḳh jiine ka maza karte ho kya karte ho
Leave a Reply