Poet
raat kya Dhal ga.i samundar men
ghul ga.i tirgi samundar men
ek surḳhi pahaḌ se ubhri
phir utarti ga.i samundar men
ik safina kahin pe Duuba tha
kitni halchal hui samundar men
ḳhud samundar ki niind TuuT ga.i
raat kuchh yuun Dhali samundar men
gharq hota gaya koi sahra
dhuul uḌti ga.i samundar men
koi tufan zarur uThna tha
apni kashti jo thi samundar men
Leave a Reply