raat behad chup hai aur us ka andhera sharmagin
shaam padte hi damakte the jo rangon ke nagin
duur tak bhi ab kahin un ka nishan milta nahin
ab to badhta aaega ghanghor badal chaah ka
us men bahti aaegi ik madh-bhari mithi sada
dil ke suune shahr men gunje ga naghma chaah ka
raat ke parde men chhup kar ḳhuun rulati chahto
is qadar kyuun duur ho mujh se zara ye to kaho
mere paas aa kar kabhi meri kahani bhi suno
siskiyan leti havaen kah rahi hain ”chup raho”