kaun khvahish kare ki aur jiye
ek bezar zindagi ke liye
aur koi nahin hai us ke siva
sukh diye dukh diye usi ne diye
aao honton pe lafz rakh len ham
ek muddat hui hai baat kiye
zakhm ko raas aa gai hai hava
ab masiha ise siye na siye
us ke piyale men zahr hai ki sharab
kaise maalum ho baghair piye
ab thakan dard banti jaati hai
dil se kuchh kaam bhi to aise liye
main ne maan ka libas jab pahna
mujh ko titli ne apne rang diye
Leave a Reply