Suhaib Farooqui
dastar bahut roi dinar bahut roya
jab daam lage mere bazar bahut roya
kuchh bhi na hua hasil be-kar bahut roya
jab hosh men aaya to mai-ḳhvar bahut roya
munh-zor talatum ne chhoḌa na safine ko
jab bas na chala koi patvar bahut roya
ham ne to sanam teri chup-chap parastish ki
lekin ye dil-e-bismil har baar bahut roya
tahrir men jab us ne ḳhud apni numa.ish ki
dekha ye tamasha to aḳhbar bahut roya
vo aa.e tasalli ko kya ḳhuub inayat ki
jab chain mila dil ko bimar bahut roya
phulon ne to hans hans ke bas zaḳhm diye mujh ko
par dekh mujhe zaḳhmi har ḳhaar bahut roya
Leave a Reply