Minu Bakshi
raat ḳhud par ro rahi hai
sub.h shayad ho rahi hai
tu use aa kar jaga ja
hasrat-e-dil so rahi hai
kis ki aamad hai jo kab se
chandni ghar dho rahi hai
tuḳhm-e-tanha.i mohabbat
kisht-e-dil men bo rahi hai
be-sabab kab thi udasi
vaj.h bhi kuchh to rahi hai
un se kah paa.i kahan main
baat dil men jo rahi hai
jaane kyuun dil hai pareshan
jaane kya shai kho rahi hai
Leave a Reply