Poet
hai mere sar se koi bojh utarne vaala
pukarta hai ye har-dam pukarne vaala
phira hai yuun vo ruḳh-e-a.ina-numa mujh se
koi nahin meri surat sanvarne vaala
bana huun sina-e-dariya ka bojh muddat se
koi raha hi nahin paar utarne vaala
badalti jaati hai halat zamin ke chehre ki
ki asman hai naya ruup dharne vaala
utar kai kargah-e-fan men fat.h-yab hua
bisat-e-dahr pe har-ros harne vaala
main apne ahd ka sanna-e-shahr huun ‘zahid’
mira qalam hai na.e naqsh ubharne vaala
Leave a Reply