raat ka husn bhala kab vo samajhta hoga
chand be-faiz andheron men nikalta hoga
chand lamhon ki rifaqat ka asar hai shayad
dard miTha sa kahin aur bhi uThta hoga
hichkiyon se yahi andaza lagaya ham ne
yaad koi to dil-o-jan se karta hoga
saath guzre hue mausam ka tasavvur le kar
barishon men vo har ek saal bahakta hoga
bas yahi soch ke har roz likha karta huun
vo mira gham mire ash.ar men paḌhta hoga
us ke ashkon ka gunahgar main ho ja.unga
vo mujhe yaad agar kar ke sisakta hoga
yaad hongi use bhuli hui qasmen ‘zakir’
vo mire zikr pe chup-chap Thaharta hoga
Leave a Reply