raat bhi tera dhyan bhi ham bhi
chand bhi asman bhi ham bhi
apni apni ana ki qaid men hain
ḳhali ḳhali makan bhi ham bhi
kho ga.e gum-rahi ke sahra men
manzilon ke nishan bhi ham bhi
saaya saaya tamazaton ke hujum
dhuup bhi sa.eban bhi ham bhi
ek sach ek vahima ik jhuuT
vo bhi us ka guman bhi ham bhi
apni apni saqafaton ke amiin
ghalib-e-ḳhush-bayan bhi ham bhi
maslahat ke hisar men ai ‘mauj’
qaid urdu zaban bhi ham bhi
Leave a Reply