Qubul Hai Gham-E-Duniya Tere Hawale Se

qubūl hai ġham-e-duniyā tire havāle se

ye bojh varna sambhaltā nahīñ sambhāle se

surāġh apnā udhar hī kahīñ mile shāyad

tane hue haiñ jidhar makḌiyoñ ke jaale se

maiñ ek zarra-e-āvāra aur mirī ḳhātir

samundaroñ sī ye rāteñ ye din himāle se

khulī to rakhtā huuñ maiñ ghar kī khiḌkiyāñ lekin

vahī tamām nazāre haiñ dekhe-bhāle se

kisī kī yaad bhī unvān-e-bevafā.ī thī

paḌe haiñ paañv meñ qabl-e-safar bhī chhāle se

sukūn kitnā hai jī ko ye soch kar ki hameñ

haram se koī ilāqa na ab shivāle se

ye kam nahīñ ki maiñ us kī duā meñ shāmil huuñ

kuchh aur chāhiye kyā duur jaane vaale se

Leave a Comment