poet

Na Hum Mahw-E-Khayal Abru-E-Kham-Dar Sote Hain

na ham mahv-e-khayal abru-e-kham-dar sote hain

sipahi hain zi-bas bandhe hue talvar sote hain

tumhara sote sote chaunk padna khab gaya dil men

ki aksar khud-bakhud ho ho ke ham bedar sote hain

ilahi ham ko hai kis ka khayal-e-khvab-o-be-dari

jo lakhon haar uthte hain hazaron yaar sote hain

nigah-e-mast-e-saqi men hai kya dara-e-be-hoshi

ki saghar lag raha hai munh se aur mai-khvar sote hain

na kar vasvas dil men chal vahan ‘maruf’ be-khatke

ki darban unghta hai aur chaukidar sote hain

More Poems

Leave a Comment