qibla-e-ab-o-gil tumhin to ho
kaaba-e-jan-o-dil tumhin to ho
la-makan duur dil bahut nazdik
munfasil muttasil tumhin to ho
mere pahlu men dil na kyuun ho khush
dil ke pahlu men dil tumhin to ho
tum se mil kar khajil hamin to hain
ham se chhut kar khajil tumhin to ho
dil ki sakhti ka hai gila tum se
jis ne rakkhi ye sil tumhin to ho
jiite ji mujh ko maar daalo tum
malik jan-o-dil tumhin to ho
tum ko ‘mail’ bahut hai sharm-e-gunah
rat-din munfail tumhin to ho
Leave a Reply