Sufi
maut us bekas ki ghayat hi sahi
umr bhar jis ne musibat hi sahi
husn ka anjam dekhen ahl-e-husn
ishq mera be-haqiqat hi sahi
zindagi hai chashm-e-ibrat men abhi
kuchh nahin to aish-o-ishrat hi sahi
dekh leta huun tabassum husn ka
gham-parasti meri fitrat hi sahi
parda-dar-e-sadgi hai har ada
ye tasanno be-zarurat hi sahi
darpai-e-azar hai qismat to ho
ab mujhe tum se mohabbat hi sahi
hur-e-be-ja ki talafi kuchh to kar
ḳhair iz.har-e-nadamat hi sahi
ai ajal kuchh zindagi ka haq bhi hai
zindagi teri amanat hi sahi
kya karun ‘akbar’ dili jazbat ko
is taghazzul men qadamat hi sahi
Leave a Reply