Bushra Saeed
khuda aur us ke insaf se darne vaale
khata-posh kamzor dil
vajud aur na-vajud ka
munazra karne vaale
shikariyon se behtar hain
ki un ke paas
khauf-zada hone ke liye
koi khuda
maujud nahin hota
vo mazhab ki musavat
tohfon se zarb de kar
maslahaton men taqsim karte hain
aur farz kiye gae khuda ko
bhuuk ka kulliya laga kar
sikke ke barabar le aate hain
Leave a Reply