Humaira Rahman
qayamaten guzar gaiin rivayaton ki soch men
khalish jo thi vahi rahi mohabbaton ki soch men
ye ab khula ki us ki shaeri men meri baat ka
jo rang khaas tha mita izafaton ki soch men
main apne chehra-e-junun ko aaine men dekh luun
to aks bujh na jaega haqiqaton ki soch men
main apni dhuup chhanv ki zamanaten na de sakun
to aap kyuun jalen-bujhen tamazaton ki soch men
ajab mazaq us ka tha ki sar se paanv tak mujhe
vafaon se bhigo diya nadamaton ki soch men
gai ruton ne hans ke raston ke zakhm bhar diye
‘humaira’ aaj kaun tha masafaton ki soch men
Leave a Reply