qayamat ka koi hangam ubhre
ujale Duub jaa.en shaam ubhre
kisi talvar ki qatil zaban par
lahu chahke hamara naam ubhre
gire galiyon ke qadmon par andhera
faza men raushni-e-bam ubhre
hain sat.h-e-bahr par maujen pareshan
jo din Duube to koi shaam ubhre
hazaron rang-parcham sar-nigun hain
vo ham hi the ki bas gum-nam ubhre
hamari ibtida miTTi men ik raaz
hamare vaste anjam ubhre
Leave a Reply