Ishq Aawara-Mizaj

ishq avara-mizaj

vo musafir to gaya

na koi us ki mahak hai ki jo de us ka pata

na koi naqsh-e-kaf-e-pa

na koi us ka nishan

koi talkhi bhi tah-e-jam na chhodi us ne

zindagi baaqi hai

ek sanjida hansi

soch si dil men basi

tez aai hui saans

zehn men thode se vaqfe se khatakti hui phans

aur dukhta hua dil

chot thi jis pe lagi

chot vaisi to nahin

dard baaqi to nahin

laakh maane na magar

kuchh pasheman sa dil

yuun badal jaane par

aap hairan sa dil

us ko kya apna pata

ye hai insan ka dil

koi patthar to nahin

jis pe mitti nahin pad jaae jo ik baar lakir

Leave a Comment