qayam-e-dair-o-tavaf-e-haram nahin karte
zamana-saz to karte hain ham nahin karte
tumhari zulf ko suljhaenge vo divane
jo apne chak-e-gareban ka gham nahin karte
utar chuka hai rag-o-pai men zahr-e-gham phir bhi
ba-pas-ahd-e-vafa chashm nam nahin karte
ye apna dil hai ki is haal men bhi zinda hain
sitam kuchh ahl-e-sitam ham pe kam nahin karte
girafta-dil hain butan-e-haram ki ab shair
nashat-o-aish ke saman baham nahin karte
suna rahe hain jahan ko hadis-e-dar-o-rasan
hikayat-e-qad-o-gesu raqam nahin karte
vo astan-e-shahi ho ki astana-e-dost
ye ab kahin sar-e-taslim kham nahin karte
Leave a Reply