Ahsan Marahravi
qasid nai ada se ada-e-payam ho
matlab ye hai ki baat na ho aur kalam ho
baaqi hai shauq raah men kyunkar qayam ho
haath aaen un ke paanv to manzil tamam ho
kya ḳhush ho dil ki hai vo jafa-ju zamin se duur
tum kaise asman ke qaem-maqam ho
farman-rava-e-husn ko hota nahin farogh
jab tak na ishq us ka mudar-ul-maham ho
‘ahsan’ vo sun ke shikva-e-tash.hir kah gae
ham jante hain tum ko baḌe nek-nam ho
Leave a Reply